اسلام آباد: توشہ خانہ کیس سننے والے ایڈیشنل سیشن جج ظفر اقبال کی اہلیہ کی مبینہ آڈیو سامنے آگئی۔
مبینہ آڈیو میں جج کی اہلیہ نادیہ ظفر شاہین پروین نامی خاتون سے گفتگو کررہی ہیں، ان کو یہ کہتے سنا جاسکتا ہے کہ ’ظفر کے پاس کیس بھی لگا ہوا ہے‘۔
اس پر شاہین پروین نے جواب دیا ’ہاں جی بالکل‘ تو نادیہ ظفر نے کہا کہ ’اس وجہ سے ہم نے نقل و حرکت کم کیو ہوئی ہے، ہمارا پلان ہے ایک دفعہ اسے اللہ عزت سے سرخرو کرے‘۔
نادیہ ظفر نے کہا کہ آپ کے پاس ریلیکس ہونے ضرور آئیں گے۔ جس پر شاہین پرویس نے جی ضرور کہا۔
شاہین پروین نے کہا کہ ’اس وقت وہ (عمران خان) ذہنی تناؤ کا شکار ہیں۔ اس پر نادیہ ظفر نے کہا کہ کاشف بھائی سے بھی ظفر کی بات ہوتی رہتی ہے۔
