اسلام آباد / پشاور: ملک میں جاری سیاسی بحران کے حل کیلیے حکومت اور اپوزیشن جماعت (پی ٹی آئی) کے رہنماؤں میں غیر رسمی ملاقات ہوئی اور طے پایا کہ اسمبلیوں کی بحالی سے مذاکرات کا راستہ ہموار ہوگا۔
پی ٹی آئی رہنما پرویز خٹک کی اہلیہ کے انتقال کی تعزیت کیلیے وفاقی وزرا خواجہ سعد رفیق اور ایاز صادق کی آمد ہوئی جہاں حکومت اور پی ٹی آئی رہنماؤں میں غیر رسمی ملاقات بھی ہوئی۔
حکومتی وفد نے سامنے آنے پر پی ٹی آئی کے صدر چوہدری پرویز الہیٰ سے گلے بھی ملے اور پیدا شدہ بحران کا حل نکلنے پر اتفاق کیا۔
دونوں فریقین کے رہنماؤں کی گفتگو میں طے پایا کہ کے پی اسمبلی کی بحالی بھی بحران حل کرسکتی ہے جبکہ دونوں اسمبلیاں بحال ہوجائیں تو مذاکرات کی میز پر بیٹھنے کا راستہ ہموار ہوسکتا ہے۔ دونوں فریقین کا اس تجویز پر غور کیا مذاکرات کی میز پر بیٹھ کر مسائل حل کرنے پر زور بھی دیا۔
خواجہ سعد رفیق نے رہنما پی ٹی آئی اسد قیصر سے گفتگو میں کہا کہ ہمارا تو آپ سے رابطہ ہے، سنا ہے پی ٹی آئی نے مذاکراتی کمیٹی کے نام تبدیل کردیے۔
اس موقع پر پرویز الہیٰ نے کہاکہ پنجاب اور کے پی کی نگراں حکومتوں کی مدت ختم ہونے کے بعد عدالت میں درخواستیں دائر کردیں، تمام جماعتیں سپریم کورٹ کے احترام پر قائم رہیں۔
