کراچی کے علاقے اورنگی ٹاؤن میں واقع پکوان سینٹر پر دستی بم پھینکنے کی سی سی ٹی وی ویڈیو سامنے آ گئی۔
ویڈیو میں موٹر سائیکل پر پیچھے بیٹھے شخص کو دکان میں دستی بم پھینکتے دیکھا جا سکتا ہے۔
سامنے آنے والی ویڈیو میں دوسری موٹر سائیکل پر پیچھے بیٹھے شخص کو دکان پر فائرنگ کرتے بھی دیکھا جا سکتا ہے۔
اس حوالے سے پولیس کا کہنا ہے کہ پکوان سینٹر پر فائرنگ اور دستی بم پھینکنے کا واقعہ آج صبح پیش آیا تھا۔
پولیس کے مطابق سی سی ٹی وی ویڈیو کی مدد سے ملزمان کی گرفتاری کے لیے چھاپے مارے جا رہے ہیں۔
دوسری جانب دکان کے مالک کا کہنا ہے کہ گھر میں سویا ہوا تھا کہ فائرنگ کی آواز سے اٹھا۔
دکان کے مالک نے بتایا ہےکہ کسی سے دشمنی نہیں ہے، 2022ء میں بھتے کی پرچی ملی تھی جس کا مقدمہ درج ہے۔
