امریکی صدر ڈونلڈ ٹرمپ کی جانب سے ایران جنگ جلد ختم ہونے کے اعلان کے مثبت اثرات آنے لگے ہیں۔
عالمی منڈی میں برینٹ خام تیل کی قیمت میں 8 فیصد گراوٹ ہوگئی، جس کے بعد پٹرولیم مصنوعات کی قیمتوں میں کمی کا امکان ظاہر کیا جا رہا ہے۔۔
برینٹ خام تیل کی قیمت 8 فیصد کمی کے بعد 90 ڈالر اور ڈبلیو ٹی آئی خام تیل کی قیمت 87 ڈالر فی بیرل ہوگئی ہے۔
واضح رہے کہ امریکی صدر ڈونلڈ ٹرمپ نے کہا ہے کہ ایران جنگ جلد ختم ہونے والی ہے۔ ایران کے خلاف جنگ تقریباً جیت چکے ہیں۔
ڈونلڈ ٹرمپ نے کہا کہ ہم اپنی ابتدائی ٹائم لائن سے بہت آگے چل رہے ہیں، ایران کی ڈرون مینوفیکچرنگ کو نشانہ بنانا شروع کردیا ہے۔
واضح ہو کہ برینٹ خام تیل دراصل ایک خاص قسم کا خام تیل ہے جو زیادہ تر شمالی سمندر (North Sea) کے تیل کے میدانوں سے نکالا جاتا ہے۔ اسے دنیا میں تیل کی قیمت طے کرنے کے لیے ایک اہم معیار (benchmark) سمجھا جاتا ہے۔
