اسلام آباد جوڈیشل کمپلیکس کچہری دھماکے میں استعمال ہونے والی خودکش جیکٹ تیار کرنے والا درزی گرفتار کرلیا گیا، پشاور میں تیار کی گئی خودکش جیکٹ اسلام آباد لانے والا سہولت کار بھی گرفتار، مزید انکشافات متوقع ہے۔ذرائع کے مطابق، اسلام آباد جوڈیشل کمپلیکس میں دھماکے کے لیے استعمال ہونے والی خودکش جیکٹ پشاور میں تیار کی گئی تھی۔
ذرائع کا کہنا تھا کہ ملزم خودکش جیکٹ کو گڑ کی بوری میں چھپا کر پشاور سے لایا ، جیکٹ کو تین دن تک ایک درخت کے نیچے چھپا کر رکھا گیا، جبکہ کچھ دن یہ جیکٹ ایک ٹیلر کی دکان پر بھی رکھی رہی۔جسے معلوم تھا کہ یہ خودکش جیکٹ ہے۔ انٹیلی جنس اداروں نے اس ٹیلر کو بھی گرفتار کر لیا ہے۔
مزید معلومات کے مطابق خودکش جیکٹ کو پشاور سے گڑکی بوری کے ذریعے اسلام آباد لایا گیا تھا۔ سہولت کار اور درزی کی گرفتاری کے بعد تحقیقات جاری ہیں اور ذرائع کا کہنا ہے کہ تفتیش کے دوران مزید اہم انکشافات سامنے آنے کا امکان ہے۔ مزید گرفتاریوں کا بھی امکان ظاہر کیا جا رہا ہے۔
انٹیلی جنس ادارے اس معاملے میں تمام پہلوؤں کو کھنگال رہے ہیں تاکہ حملے کے منصوبہ سازوں تک پہنچا جا سکے اور مستقبل میں ایسے اقدامات کو روکا جا سکے۔
