عالمی جریدہ بلومبرگ کا کہنا ہے کہ پاکستانی ڈالر بانڈز کی عالمی مارکیٹ میں واپسی نے سرمایہ کاروں کا اعتماد دگنا کردیا ہے۔بلومبرگ کی رپورٹ کے مطابق پاکستان کے ڈالر بانڈز کی قدر میں اضافہ جاری رہنے کا امکان ہے جبکہ پاکستان کے ڈالر بانڈز رواں سال 24.5 فیصد منافع کے ساتھ ایشیا میں سرفہرست ہیں۔
پاکستان پچھلے 2 سال کی نسبت اب عالمی قرض مارکیٹ میں واپسی کیلئے تیار ہے، ایس اینڈ پی گلوبل اور فچ ریٹنگز نے پاکستان کی کریڈٹ ریٹنگ اپ گریڈ کی جس سے سرمایہ کاروں کے اعتماد کو تقویت ملی۔ پاکستان کا رواں سال یوآن بانڈز اور 2026ء میں یورو بانڈ مارکیٹ میں واپسی کا منصوبہ بھی تیار ہے۔
