اسلام آباد:پاکستان دل کی تکالیف سے اموات میں دنیا میں 30 ویں نمبر پر آگیا۔
پاکستان میں امراض قلب میں تیزی سے اضافہ ہونے لگا، عالمی ادارہ صحت نے خطرے کی گھنٹی بجادی۔عالمی ادارہ صحت کے مطابق پاکستان میں 29 فیصد اموات دل کی بیماریوں کے باعث ہورہی ہیں جبکہ ملک بھر میں سالانہ چار لاکھ افراد دل کی بیماریوں کے باعث موت کے منہ میں چلے جاتے ہیں۔
رپورٹ کے مطابق60 برس تک کی عمر کے ہر چار میں سے ایک شخص دل کی شریانوں کی کمزوری میں مبتلا ہے۔پاکستان میں دل کی بیماریوں کے علاج کے درجنوں سرکاری و نجی ہسپتال قائم ہیں تاہم لوگوں کا کہنا ہے صوبے بھر سے مریض پی آئی سی لاہور آتے ہیں دیگر اضلاع میں ہسپتال بنائے جائیں۔
طبی ماہرین کے مطابق 30 سال سے کم عمر افراد کوزیادہ خطرات لاحق ہیں، احتیاط لازمی ہے، تمباکو نوشی، مرغن غذائیں، موٹاپا، ہائی بلڈپریشرامراض قلب کی بڑی وجہ ہیں۔
ماہرین کا کہنا ہے کہ 66 سال کی عمر کے مرد اور 70 سال کی عمر تک کی خواتین میں ہارٹ اٹیک کے زیادہ امکانات ہوتے ہیں۔
