اسلام آباد:وزیراعظم کے مشیر سینیٹر رانا ثناء اللہ نے کہا ہے کہ پاکستان نے فیصلہ کیا ہے جہاں سے دہشت گردی ہوگی اس کمین گاہ کو تباہ کردیا جائے گا۔
نجی ٹی وی پروگرام میں گفتگو کرتے ہوئے رانا ثناء اللہ نے کہا کہ افغانستان میں جس جگہ سے دہشت گرد ٹریننگ اور اسلحہ حاصل کرتے تھے ان کمین گاہوں کو اب تباہ کردیا گیا ہے۔
انہوں نے کہا اس بات کو یقینی بنایا گیا ہے کہ اب وہاں سے کوئی کارروائی کرنے کے لیے ٹریننگ حاصل نہ کرسکے اور نہ پاکستان میں داخل ہوسکے تاہم اگر کوئی کمین گاہ بچ گئی ہوگی تو اسے بھی تلاش کرکے تباہ کیا جائے گا۔
وزیر اعظم کے مشیر کا کہنا تھا کہ افغانستان کو بار بار وارننگ دی گئی اور آخری وارننگ 3 ہفتے قبل بنوں حملے کے بعد دی گئی تھی، کہا گیا کہ اب آپ فیصلہ کرلیں کہ آپ دہشت گردوں کے ساتھ کھڑے ہیں یا پاکستان کے ساتھ کھڑے ہیں۔
ان کا کہنا تھا کہ اس کے بعد فیصلہ کرلیا تھا کہ اب اگر دراندازی ہوئی تو اس کا بھرپور جواب دیا جائے گا اور پھر انہوں نے حرکت کی تو اس کا جواب بھرپور دیا گیا ہے۔
