اسلام آباد:وفاقی حکومت کے قرضے اور واجبات ملکی تاریخ کی نئی بلند ترین سطح پر پہنچ گئے۔ اسٹیٹ بینک نے جون تک ملک پر قرضوں اور واجبات کے اعداد و شمار جاری کردیے جس کے مطابق وفاقی حکومت کا قرض مالی سال 2025ء میں13فیصد بڑھا ہے۔
اعداد و شمار کے مطابق وفاقی حکومت کا قرض جون تک 77 ہزار 888 ارب روپے رہا، وفاقی حکومت کا قرض جون 2024ء میں 68 ہزار 914 ارب روپے تھا۔
اسٹیٹ بینک کے مطابق وفاقی حکومت کا مقامی قرض 15.5 فیصد بڑھ کر 54 ہزار 471 ارب روپے ہوگیا۔ وفاقی حکومت کا بیرونی قرض 7.6 فیصد بڑھ کر 23 ہزار 417 ارب روپے ہوگیا ہے۔
