اسلام آباد:عالمی بینک نے پاکستان کیلئے 4 کروڑ 79 لاکھ ڈالر گرانٹ کی منظوری دے دی۔
عالمی بینک کی جانب سے جاری اعلامیہ کے مطابق رقم پنجاب میں ایجوکیشن سیکٹر میں بہتری کیلئے خرچ کی جائے گی، پرائمری کلاسز میں طلبہ و طالبات کی تعداد کو بڑھایا جائے گا۔
اعلامیہ میں کہا گیا کہ گرانٹ سے سکولوں میں طلبہ کی تعداد کو بڑھانے میں بھی مدد ملے گی۔ اعلامیہ میں مزید کہا گیا کہ منصوبے کے تحت 40 لاکھ طلبہ کو بہتر سہولیات فراہم کی جا سکیں گی، اس پروگرام کے تحت 80 ہزار نئے طلبہ سکول داخل ہو سکیں گے۔
