راولپنڈی:راولپنڈی کی انسداد دہشت گردی عدالت نے جی ایچ کیو حملہ کیس میںعمرایوب اور شبلی فراز سمیت پی ٹی آئی کے 14رہنماؤں کے ناقابل ضمانت وارنٹ جاری کر دیے۔
جی ایچ کیو حملہ کیس سمیت 9 مئی کے 12 مقدمات کی سماعت انسداد دہشت گردی راولپنڈی میں ہوئی۔ دوران سماعت عدالت نے جی ایچ کیو حملہ کیس میں 14 ملزمان کی حاضری سے استثناء کی درخواستیں خارج کر دیں۔
جن ملزمان کی حاضری سے استثناء کی درخواستیں خارج ہوئیں ان میں عمر ایوب، شبلی فراز، کنول شوذب، زرتاج گل، احمد چٹھہ، راشد شفیق، رائے مرتضٰی، بلال اعجاز اور چودھری آصف شامل ہیں۔
بعد ازاں عدالت نے عدم حاضری پر ملزمان کے ناقابل ضمانت وارنٹ گرفتاری جاری کر دیے۔
