نائب وزیراعظم اور وزیرخارجہ اسحاق ڈار نے کہا ہے کہ بھارت جنگ بندی کی زبانی خلاف ورزیاں کررہا ہے، ہم الرٹ ہیں۔برطانیہ میں میڈیا سے گفتگو کرتے ہوئے کہا کہ بھارت کیساتھ ہماری طرف سے امن قائم رہے گا، بھارت نے میلی آنکھ سے دیکھا تو اینٹ کا جواب پتھر سے دیں گے،
اپاکستان امن پسند ملک ہے، ہمسایہ ممالک سے پیار محبت سے رہنا چاہتے ہیں۔ افغانستان اور ایران کے ساتھ ہمارے تعلقات بہتر ہوئے ہیں، ایران نے کہا ہم نے اپنے اصلی دوست کو اب پہچانا ہے۔ 26ویں آئینی ترمیم ہضم کررہے ہیں، 27ویں کی ضرورت نہیں، ملک اچھا چل رہا ہے، معیشت میں بہتری آئی ہے۔
اسحاق ڈار نے پاکستان ہائی کمیشن لندن میں لینڈ ریکارڈ سروسز کا افتتاح کر دیا۔اسحاق ڈار نے کہا کہ یہ سروسز وزیرِاعلیٰ پنجاب مریم نوازشریف کے حکم پر ابتدائی طور پر پنجاب سے شروع کی جا رہی ہیں، باقی صوبے اس پر عمل کرتے ہوئے اپنے عوام کو ریلیف دیں۔
