معرکہ حق اور یوم آزادی کی مناسبت سے خصوصی تقریبات کا آغاز آج سے ہوگا۔
خصوصی تقریب آج رات 8 بجے جناح سٹیڈیم اسلام آباد میں منعقد ہوگی۔ صدر مملکت آصف زرداری، وزیراعظم شہباز شریف سمیت وفاقی وزرا اور دیگر اہم شخصیات شریک ہوں گی۔
تقریب میں فیلڈ مارشل سید عاصم منیر بھی شریک ہوں گے۔ جے ایف 17 تھنڈر فلائی پاسٹ کا مظاہرہ کریں گے۔ ذرائع کے مطابق آزادی کی تقریبات میں دوست ممالک ترکیہ اور آذربائیجان کے فوجی دستے بھی حصہ لیں گے ۔
یومِ آزادی اور ’معرکۂ حق‘ کی اس تقریب میں عوام کا جوش و خروش عروج پر ہے۔ تقریب براہِ راست پی ٹی وی سے نشر کی جائے گی۔
ژوب میں فورسز کی کارروائیاں، 4 روز میں بھارتی حمایت یافتہ 50 خوارج ہلاک
دوسری جانب تمام اہم سیاسی جماعتوں نے بھی جشن آزادی کی تقریبات پروقار طریقے سے منانے کا اعلان کیا ہے۔ قائدین نے عوام الناس سے اپیل کی ہے کہ وہ جشن آزادی کے موقع پر بے جا اسراف سے گریز اور اپنی رقوم و عطیات غریب، نادار، بے سہارا، یتیموں، مسکینوں، بیوگان اور مستحق افراد کو فراہم کریں تاکہ وہ بھی جشن آزادی کی خوشیوں میں بڑھ چڑھ کر حصہ لے سکیں۔
