خضدار : خضدار میں اسکول بس پر بھارتی اسپانسرڈ فتنہ الہندکے دہشت گردوں کے حملے میں شہید ہونے والے طلبا کی تعداد 6ہو گئی۔
سیکورٹی ذرائع کے مطابق اس دہشت گردانہ حملے میں حیدر شدید زخمی ہوگیا تھا، جو دورانِ علاج جانبر نہیں ہو سکا۔ اسی طرح شدید زخمی ہونے والی طالبہ ملائکہ بھی بھارتی دہشت گردی کی بھینٹ چڑھ گئی اور اس نے اسپتال میں جام شہادت نوش کرلیا۔
دہشت گردوں کے حملے میں شہید ہونے والوں میں 5طالبات اور ایک طالب علم شامل ہیں۔خضدار میں بزدلانہ حملے کی منصوبہ بندی دہشت گرد ریاست بھارت میں کی گئی۔ بھارت پاکستان کے خلاف سازشوں اور ذلت آمیز شکست و ہزیمت کے بعد بزدلانہ کارروائیوں پر اتر آیا ہے۔
سیکورٹی ذرائع کا کہنا ہے کہ بلوچستان اور خیبرپختونخوا میں دہشت گردی اور بے امنی پھیلانے کے لیے بھارت اپنی پراکسیوں کا استعمال کر رہا ہے۔ ان معصوم بچوں کے خون کا حساب فتنة الہند اور ان کے بھارتی آقاؤں سے لیا جائے گا۔
اسکول بس پر فتنة الہند کے حملے میں شہید طلبہ کی تعداد 6 ہوگئی
