گوجرانوالہ:ایف آئی اے گوجرانوالہ زون نے 3ماہ کے دوران ریڈ بک کے 7انتہائی مطلوب سمیت 330 انسانی سمگلرز کو گرفتار کرلیا۔
ایف آئی اے گوجرانوالہ زون کی 3 ماہ کی کارکردگی رپورٹ کے مطابق گزشتہ 3 ماہ کے دوران لیبیا کشتی حادثہ 2023ء کے 9اشتہاری انسانی سمگلروں کو بھی گرفتار کیا گیا، یونان کشتی حادثہ 2024ء میں ملوث 18انسانی سمگلرز بھی گرفتار ہوئے۔
رپورٹ میں بتایا گیا کہ مراکش کشتی حادثے 2025ء میں ملوث 11ملزمان بھی ایف آئی اے کی گرفت میں آگئے، انسانی اسمگلنگ میں ملوث ملزمان کی 53 کروڑ روپے سے زائد مالیت کی جائیدادیں ضبط کیں۔
حکام کے مطابق انسانی سمگلنگ میں ملوث عناصر کے زیر استعمال 5 کروڑ 29 لاکھ روپے کے بینک اکاؤنٹس منجمد کیے گئے، انٹرپول کے ذریعے انسانی سمگلنگ میں ملوث ملزمان کی گرفتاری کے لئے مجموعی طور پر 31 ریڈ نوٹسز جاری کیے گئے تھے۔
