اسلام آباد:اپوزیشن قائدین نے کل (پیر کو ) پارلیمنٹ کے مشترکہ اجلاس کے موقع پربھرپور احتجاج کااعلان کردیاہے ۔ اپوزیشن اتحاد میں شامل ارکان نے احتجاج کے بارے میں مشترکہ بیان میں کہا ہے کہ حکومت اپوزیشن کے بیانیہ سے خوفزدہ ہے ،حکمران سن لیں مقبول اپوزیشن جماعتوں کو دیوار سے نہیں لگایاجاسکتا۔
جبرفسطائیت کادورختم ہوگا اور ملک میں آئین کی بالادستی اور قانون کی حکمرانی قائم ہوگی۔ اس وقت ملک کو بدترین فسطائیت کاسامنا ہے۔اپوزیشن قائدین نے یہ بھی کہا کہ جعلی حکومت روزبروز بدنام اور کمزورہورہی ہے۔
تحریک تحفظ آئین پاکستان کے رہنمائوں نے اپنی اتحادی جماعت بی این پی کے سینئر نائب صدر ساجد ترین اور سیکرٹری اطلاعات بی این پی آغا حسن بلوچ سمیت50سے زائد کارکنان اور قیادت پر ایف آئی آر درج کرانے کے حکومتی عمل کی شدید الفاظ میں مذمت کی ہے۔
انہوں نے اس کیخلاف ہرفورم پراحتجاج کا اعلان کیاہے۔ان کا کہنا ہے کہ اتحادی رہنمائوں کیخلاف مقدمات درج کرنے کیخلاف سینیٹ میں بھی سخت احتجاج ہوگا۔
