اسلام آباد:اسلام آباد ہائیکورٹ میں لاپتا افراد کے کیسوں کی سماعت کرنے والا سپیشل بینچ تحلیل ہو گیا۔
جسٹس محسن اختر کیانی کی سربراہی میں سپیشل بینچ لاپتا افراد کے کیسوںکی سماعت کر رہا تھا جس میں جسٹس ارباب محمد طاہر اور جسٹس طارق جہانگیری بھی شامل تھے تاہم اب جسٹس ارباب محمد طاہر نے بینچ میں بیٹھنے سے معذرت کر لی ہے جس سے سپیشل بینچ تحلیل ہو گیا ۔
اس حوالے سے بینچ کے سربراہ جسٹس محسن اختر کیانی نے بتایا کہ جسٹس ارباب محمد طاہر بینچ سے الگ ہو گئے ہیں، بینچ کی تشکیل نو کیلئے فائل قائم مقام چیف جسٹس اسلام آباد ہائیکورٹ کو بھجوا دی ۔
