اسلام آباد :زلزلہ پیما مرکز نے جدید ٹیکنالوجی کا استعمال کرتے ہوئے زلزلوں کی مانیٹرنگ کے لئے سیٹیلائٹ سسٹم متعارف کرا دیا۔
جدید نظام کے ذریعے زلزلوں کی پیشگی نشاندہی اورانتباہ جاری کرناممکن ہو سکے گا،جس سے قیمتی جانوں اور املاک کومحفوظ بنانے میں مدد ملے گی،ماہرین موسمیات کے مطابق سیٹلائٹ مانیٹرنگ سسٹم زمین کی حرکت کامسلسل جائزہ لے گا اور کسی بھی غیرمعمولی تبدیلی کی فوری اطلاع فراہم کرےگا، جس سے ہنگامی صورتحال سے نمٹنے کےلئے پیشگی اقدامات کرکے زلزلے سے ہونے والے نقصانات کو کم کیاجا سکے گا۔
زلزلہ پیما مرکز کے ترجمان کا کہنا ہے کہ اس جدید ٹیکنالوجی کے باعث پاکستان میں قدرتی آفات سے نمٹنے کے نظام کو مزید موثر بنایا جا سکے گا۔
پاکستان میں زلزلوں کی مانیٹرنگ کے لیے سیٹیلائٹ سسٹم متعارف
