راولپنڈی:پچھلے دو ماہ کے دوران 458 انسانی سمگلروں اور ایجنٹوں کو گرفتار کرلیا گیا۔
ایف آئی اے نے انسانی سمگلنگ کے خلاف گزشتہ 2 ماہ کی کارکردگی رپورٹ جاری کردی جس کے مطابق وفاقی وزیر داخلہ کی ہدایت پر ایف آئی اے کا انسانی سمگلروں کے خلاف کریک ڈاؤن جاری ہے اور ایف آئی اے نے گزشتہ 2 ماہ کے دوران 458 انسانی سمگلروں اور ایجنٹوں کو گرفتار کیا ہے،گرفتار ملزمان میں ریڈ بک کے 8 انتہائی مطلوب انسانی سمگلر بھی شامل ہیں۔
رپورٹ کے مطابق گزشتہ 2 ماہ کے دوران یونان کشتی حادثہ 2023 کے 19 اشتہاری انسانی سمگلروں اور یونان کشتی حادثہ 2024 میں ملوث 18 انسانی سمگلروں کو بھی گرفتار کیا گیا، اسی طرح مراکش کشتی حادثے 2025 میں ملوث 10 ایجنٹ بھی گرفتار کیے گئے۔
ایف آئی اے نے انسانی اسمگلنگ میں ملوث ملزمان کی 661.63 ملین روپے سے زائد مالیت کی جائیدادیں ضبط کیں جبکہ انسانی سمگلنگ میں ملوث عناصر کے زیر استعمال73.51 ملین روپے کے بینک اکاؤنٹس منجمد کیے گئے۔
