ہلدی اینٹی سیپٹک (جراثیم کُش) اور اینٹی سوزش ہے، جسے عام طور پر نمکین کھانوں میں بطور ہرا مسالا استعمال کیا جاتا ہے۔
ہلدی کا استعمال دورِ قدیم سے چلا آرہا ہے۔ اس کے صحت پر متعدد حیران کن فوائد ہی ہیں جو اسے ہر گھرانے کو استعمال کرنے پر مجبور کرتے ہیں۔ غذائی ماہرین کا بتانا ہے کہ ہلدی سمیت ہلدی سے بنا پانی بھی انسانی صحت کے لیے نہایت مفید ہے۔
ایک چٹکی ہلدی کے ساتھ صرف گرم پانی، صدیوں سے آیورویدک ادویات کا ایک اہم حصہ رہا ہے اور اپنے ممکنہ صحت کے فوائد کی وجہ سے دن بہ دن مقبولیت حاصل کررہا ہے۔ صحت سے متعلق اس رپورٹ میں کچھ ایسی اہم اور مفید وجوہات پر بات کی گئی ہے جو کہ آپ کو ہلدی پانی پینے پر مجبور کردیں گی۔
مدافعت کو بڑھاتا ہے
ہلدی اپنے کرکومین مواد کے لیے مشہور ہے، جو ایک طاقتور اینٹی سوزش اور اینٹی آکسیڈینٹ ہے۔ کرکومین فری ریڈیکلز سے لڑنے اور جسم کے قدرتی دفاعی نظام کو مضبوط بنانے میں مدد کرتی ہے۔
ہاضمے میں مدد کرتا ہے
گرم پانی ہاضمے کو متحرک کرتا ہے اور اس میں شامل ہلدی پاوڈر آنتوں کو مزید پُرسکون کرسکتی ہیں اور اپھارہ جیسی شکایت کو کم کرسکتی ہیں۔
متوازن وزن کو فروغ دیتا ہے
کچھ مطالعات سے پتہ چلتا ہے کہ کرکومین میٹابولزم کو بڑھاتا ہے اور وزن کو متوازن رکھنے میں مدد دیتا ہے۔ یاد رکھیں کہ وزن کو متوازن رکھنے کے لیے صحتمند غذا اور ورزش بھی نہایت ضروری ہے۔
دماغی طاقت میں اضافہ
مطالعات سے پتہ چلتا ہے کہ کرکومین علمی افعال اور یادداشت کو بہتر بناتا ہے۔
بہترین قدرتی ڈیٹاکس واٹر
گرم پانی زہریلے مادوں کو صاف کرنے میں مدد کرتا ہے اور اگر اس میں ہلدی شامل کرلی جائے تو اس کی خصوصیات اسے ایک قدرتی اور بااثر ڈیٹاکس واٹر بنا دیتی ہیں۔
سادہ اور لذیذ
ہلدی کا پانی بنانا نہایت آسان ہے۔ یہ سستا علاج اور ذائقے میں بہترین محسوس ہوتا ہے۔ ہلدی پانی کا مزید ذائقہ بڑھانے کے لیے اس میں لیموں، ادرک کا رس یا شہد شامل کیا جاسکتا ہے۔
یاد رکھیں! اگرچہ ہلدی کا پانی ممکنہ فوائد پیش کرتا ہے لیکن یہ ایک جادوئی علاج نہیں ہے کیونکہ یہ ایک جڑی بوٹی ہے اسی لیے اس کا صحت پر اثر بھی دیر سے محسوس کیا جاتا ہے۔ ضروری ہے کہ کسی بھی خاص طریقہ استعمال کے لیے اپنے ڈاکٹر سے رجوع کیا جائے۔
