اسلام آباد:پی آئی اے ملازمین کی تنخواہوں میں مہنگائی کے تناسب سے اضافے کی اصولی منظوری دیدی گئی۔
پی آئی اے بورڈ آف ڈائریکٹرز کے اجلاس میں 4سال کے انتظار کے بعد ملازمین کی تنخواہوں میں اضافے کی منظوری دیدی گئی۔اعلامیے کے مطابق ملازمین کی تنخواہوں میں 15فیصد کا اضافے کی منظوری دیدی گئی ہے، ملازمین کی تنخواہوں میں مہنگائی کے تناسب سے کیڈر وائز تبدیلی کی جائیگی۔
ترجمان پی آئی اے کے مطابق پی آئی اے ملازمین کی تنخواہوں میں آخری اضافہ 4سال قبل ہوا، تنخواہوں میں اضافے سے تجربہ کار افراد کو ادارہ چھوڑنے سے روکنے میں مدد ملے گی۔ مہنگائی کی شرح سے ملازمین مشکلات کا سامنا کررہے تھے۔
پی آئی اے ملازمین کی کل تعداد7ہزارسے بھی کم رہ گئی ہے، پی آئی اے ملازمین کی تعداد میں تیزی سے کمی آرہی ہے۔ ترجمان کے مطابق تنخواہوں میں اضافے کا معاملہ کافی عرصے سے زیر التوا تھا، نجکاری کمیشن اور فنانشل ایڈوائزر سے تنخواہوں کی منظوری لی گئی تھی۔
