کراچی: قومی ائیرلائن (پی آئی اے) کی برطانیہ کے لیے پروازوں کی بحالی کے معاملے پر برطانوی سول ایوی ایشن اور محکمہ ٹرانسپورٹ نے سول ایوی ایشن اور پاکستان انٹرنیشنل ایئرلائن کا آڈٹ مکمل کر لیا۔
27جنوری سے پاکستان آنے والی برطانیہ کی 7رکنی ٹیم واپس پاکستان سے روانہ ہو گئی،میڈیا رپورٹس کے مطابق آڈٹ میں کامیابی پر پی آئی اے سمیت تمام پاکستانی ایئرلائنز پر 2020ء سے لگی پابندی ختم ہو جائے گی۔
دوسری جانب قومی ائیر لائن کی ٹیم چیف آپریٹنگ آفیسر خرم مشتاق کی سربراہی میں فلائٹ آپریشن انتظامات کا جائزہ لینے برطانیہ پہنچ گئی۔بتایاگیا ہے کہ پی آئی اے حکام لندن، مانچسٹر اور برمنگھم میں فلائٹ آپریشن انتظامات کا جائزہ لیں گے۔
قومی ایئر لائن کا اجازت ملنے پر مارچ سے برطانیہ کے لیے براہ راست آپریشن شروع کرنے کا پلان ہے جس کے لیے ایئرلائن نے فلائٹ آپریشن کو حتمی شکل دے دی گئی ہے ۔پی آئی اے برطانیہ میں کیٹرنگ سروس کے لیے پہلے ہی ٹینڈر جاری کرچکی ہے۔
