اسلام آباد: پاکستان سمیت مقبوضہ کشمیر اور دنیا بھر میں یوم یکجہتی کشمیر کل بھرپورانداز میں منایا جائے گا۔ کشمیر ڈے کے موقع پر ملک بھر میں مختلف سرکاری و غیر سرکاری اور مذہبی تنظیموں کی جانب سے کشمیری مسلمانوں کے ساتھ اظہار یکجہتی کیلئے جلسے جلوس اور ریلیاں نکالی جائیں گی ،سیمینارز اور واکس منعقد کی جائیں گی ۔
تمام سیاسی و مذہبی جماعتیں کشمیریوں سے تاریخی اظہار یکجہتی کریں گی۔کشمیریوں سے اظہار یکجہتی کیلئے طویل انسانی ہاتھوں کی زنجیر یں بنائی جائیں گئیں جس میں تمام جماعتوں کے کارکنان سماجی تنظیموں،تاجر برادری وکلاء سکول و کالج کے طلبہ سمیت عوام کی کثیر تعداد شرکت کریں گے اور بھارتی مظالم کے خلاف احتجاجی مظاہرے کیے جائیں گے۔
مختلف اجتماعات میںکشمیر کی آزادی اور امت مسلمہ کی سلامتی کیلئے خصوصی دعائیں مانگی جائیں گی۔یوم کشمیر کے حوالے سے اخبارات خصوصی ایڈیشن شائع کریں گے جبکہ ٹی وی چینلز سے بھی خصوصی پروگرام نشر کیے جائیں گے ۔
پاکستان سمیت دنیابھر میں یوم یکجہتی کشمیر کل منایا جائے گا
