رمضان المبارک میں چینی مہنگی کرنے کے لیے ذخیرہ مافیا سرگرم

کراچی: جوڑیا بازار کی ہول سیل مارکیٹ کے تاجروں نے چینی کی برآمدپر تین ماہ کیلئے پابندی لگانے کا مطالبہ کر دیا۔

ریٹیل سطح پر چینی کی قیمتیں 160 روپے فی کلو تک پہنچ گئیں۔چیئرمین ہول سیل گروسرز ایسوسی ایشن رؤف ابراہیم نے مطالبہ کیا ہے کہ حکومت3ماہ کیلئے چینی ایکسپورٹ پر پابندی عائد کرے۔ہول سیل بازارمیں چینی کی قیمت 150 روپے تک پہنچ گئی۔

مارکیٹ میں ذخیرہ مافیا سرگرم ہے،مارچ کے ایڈوانس سودے ہو رہے ہیں۔ چینی کے مارچ کے ایڈوانس سودے152روپے فی کلوتک پہنچ گئے، رمضان المبارک میں چینی کی قیمتوں میں ہوشربا اضافے کا خدشہ ہے۔ان کا کہنا تھا کہ ملک بھر میں چینی کی ماہانہ کھپت ساڑھے 5لاکھ ٹن ہے، رمضان المبارک میں یہ کھپت 10لاکھ ٹن تک پہنچ جاتی ہے۔

دسمبر سے چینی کی قیمتوں میں 26 روپے کلو کا اضافہ ہوچکا ہے جبکہ گزشتہ سال بھی منافع خوروں نے چینی کی قیمت 180 روپے پر پہنچا دی تھی۔خیال رہے یوٹیلٹی اسٹورزپربھی چینی 5 روپے ا ضافے سے145 روپے فی کلو پر پہنچ گئی ہے۔