اسلام آباد(اسلام ڈیجیٹل)پاکستان کے چیف الیکشن کمشنر سکندر سلطان راجا اور الیکشن کمیشن کے دیگر دو ارکان نثار احمد درانی اور شاہ محمد جتوئی کی مدت ملازت ختم ہوگئی تاہم آئین کے آرٹیکل 215 (1) میں حالیہ ترمیم کے تحت یہ تینوں ارکان اپنی خدمات جاری رکھیں گے جب تک کہ ان کے متبادل کی تقرری نہ ہوجائے۔سکندر سلطان راجا اور ان کے ساتھی ارکان کی پانچ سالہ مدت 27 جنوری 2019 کو شروع ہوئی تھی۔اس وقت ای سی پی کے بقیہ دو ارکان بابر حسن بھورانہ اور جسٹس (ر)اکرام اللہ خان اپنی مدت 31 مئی 2027 تک مکمل کریں گے۔الیکشن کمیشن کی موجودہ قیادت کو مختلف انتخابی مسائل اور تنازعات پر شدید عوامی تنقید کا سامنا رہا ہے۔ خاص طور پر پی ٹی آئی کے حوالے سے کمیشن کی کارروائیوں پر سوالات اٹھائے گئے ۔ای سی پی کو پنجاب اور اسلام آباد میں بلدیاتی انتخابات کرانے میں ناکامی کا سامنا کرنا پڑا، جب کہ خیبرپختونخوا میں سینیٹ کی 11 نشستوں کے انتخاب میں تاخیر پر بھی تنقید کی گئی۔ اس کے علاوہ ای سی پی نے سپریم کورٹ کے حکم کے باوجود پی ٹی آئی کے لیے مخصوص اسمبلی سیٹوں کی بحالی میں تاخیر کی۔الیکشن کمیشن کے فیصلوں میں مزید تنازعات ای سی پی کی جانب سے پی ٹی آئی کے انٹرا پارٹی انتخابات کے نتائج کو کالعدم قرار دینے اور 2023 کے عام انتخابات سے پہلے پارٹی کے انتخابی نشان کو مسترد کرنے کے حوالے سے سامنے آئے۔
اہم ادارے کے چیف اور2 ارکان کی مدت ملازمت ختم ،اب کیاہوگا؟
