عثمان بزدار دورکا ایک اور سکینڈل سامنے آگیا

لاہور(اسلام ڈیجیٹل) عثمان بزدار کے دور حکومت میں میونسپل کارپوریشن ڈی جی خان کے اخراجات کا ریکارڈ غائب ہونے کا انکشاف ہوا ہے ۔ آڈٹ ڈیپارٹمنٹ سے ریکارڈ فراہم نہ کرنے والوں کیخلاف سخت کارروائی کی سفارش کر دی گئی۔ڈی جی خان میونسپل کارپوریشن میں 179 ملین روپے خرچ کی دستاویز آڈٹ ڈیپارٹمنٹ کو نہیں ملی ۔ اس حوالے سے آڈٹ رپورٹ میں کہا گیا ہے کہ 19-2018 کا ڈی جی خان مونسپل کارپوریشن کے اخراجات کا ریکارڈ نہیں دیا گیا۔ رپورٹ میں مزید بتایا گیا ہے کہ مالی سال 20-2019 میں میونسپل کارپوریشن ڈی جی خان میں 81 ملین جبکہ 21-2020 میں 98 ملین روپے خرچ کیے گئے اور یہ ریکارڈ بھی آڈٹ ڈیپارٹمنٹ کو نہیں ملے۔