اسلام آباد(اسلام ڈیجیٹل) پی ٹی اے کا کہنا ہے کہ دسمبر 2024 میں پاکستان میں تھری جی اور فور جی صارفین کی تعداد میں کمی واقع ہوئی۔پی ٹی اے کے اعدادوشمار مطابق پاکستان میں تھری جی اور فور جی صارفین کی تعداد نومبر کے اختتام تک 139.037 ملین سے کم ہوکر دسمبر 2024 کے آخر تک 138.496 ملین رہ گئی۔ ماہانہ نیکسٹ جنریشن موبائل سروس (این جی ایم ایس) کی رسائی نومبر کے آخر میں 56.9 فیصد سے گھٹ کر دسمبر کے آخر تک 56.58 فیصد ہوگئی ۔رپورٹ میں بتایا گیا ہے کہ ملک میں ہر 100 افراد کیلئے ٹیلی کمیونیکیشن کی کل تعداد نومبر کے آخر میں 80.1 فیصد سے کم ہوکر دسمبر کے آخر تک 80 فیصد رہ گئی، سیلولر صارفین کی تعداد نومبر کے آخر تک 193.238 ملین سے بڑھ کر دسمبر 2024 کے آخر تک 193.308 ملین ہوگئی۔رپورٹ کے مطابق جاز کے تھری جی صارفین کی کل تعداد نومبر کے آخر تک 1.549 ملین سے گھٹ کر صفر ہوگئی جبکہ فور جی صارفین نومبر کے اختتام تک 50.191 ملین سے کم ہو کر دسمبر کے آخر تک 50.061 ملین رہ گئے۔پی ٹی اے کے مطابق زونگ تھری جی صارفین نومبر کے اختتام تک 1.867 ملین سے کم ہوکر دسمبر کے آخر تک 1.834 ملین ہوگئے جبکہ 4 جی صارفین کی تعداد نومبر کے اختتام تک 38.300 ملین سے بڑھ کر دسمبر کے آخر تک 38.552 ملین ہوگئی۔
تھری جی اور 4 جی صارفین کی تعداد میں نمایاں کمی،تفصیلات سامنے آگئیں
