اسلام آباد(اسلام ڈیجیٹل)شہباز حکومت کا قرضوں پر انحصار مزید بڑھ گیا، حکومت کے ابتدائی 9ماہ مارچ تا نومبر 2024ء کے دوران حکومتی قرضے مجموعی طور پر 5ہزار 556ارب روپے بڑھ گئے۔میڈیا رپورٹ کے مطابق اسٹیٹ بینک آف پاکستان کی دستاویز میں کہا گیا ہے کہ نومبر 2024ء تک وفاقی حکومت کا قرضہ 17ہزار 366ارب روپے رہا جو فروری 2024ء میں 64ہزار 810ارب روپے تھا-
دستاویز کے مطابق موجودہ حکومت کے پہلے 9ماہ میں مقامی قرض میں 5ہزار 556ارب روپے کا اضافہ ہوا تاہم اسی مدت میں مرکزی حکومت کے غیرملکی قرض میں 356ارب روپے کی کمی ہوئی-دستاویز کے مطابق نومبر 2024ء تک وفاقی حکومت کا مقامی قرضہ 48ہزار585ارب اور غیر ملکی قرضہ 21ہزار 780ارب روپے تھا جبکہ فروری 2024ء تک وفاقی حکومت کا مقامی قرضہ 42ہزار 675ارب روپے اور مرکزی حکومت کا غیرملکی قرضہ 22ہزار 134ارب روپے تھا، موجودہ حکومت میں نگرانوں کے مقابلے میں مجموعی طور پرقرضوں میں بڑا اضافہ ریکارڈ کیا گیا-
واضح رہے کہ نگران دورکے 6ماہ یعنی ستمبر 2023ء سے فروری 2024ء کے دوران وفاقی حکومت کا قرضہ 840ارب روپے بڑھا تھا-دستاویز کے مطابق فروری 2024ء یعنی نگران دور کے آخری مہینے میں وفاقی حکومت کاقرضہ 64ہزار 810ارب روپے تھا اور اگست 2023ء میں وفاقی حکومت کاقرضہ 63ہزار 970ارب روپے تھا۔
