اسلام آباد پولیس کے ترجمان نے کہا ہے کہ فیض آباد پر مذہبی جماعت کے دھرنے کی وجہ سے شہری متبادل راستے اختیار کریں۔
اسلام آباد پولیس کے مطابق دفتری اوقات میں شہری 20 منٹ کا اضافی وقت رکھ کر سفر کے لیے نکلیں۔
مزید پڑھیں : تحریک لبیک کا اسلام آباد میں فیض آباد کے مقام پر دھرنا جاری
پولیس کا کہنا ہے کہ صبح 10 سے 3 بجے تک تمام روڈز پر ٹریفک نارمل ہوتی ہے اور فیملیز سفر کرسکتی ہیں۔
پولیس کی جانب سے کہا گیا ہے کہ سہ پہر 3 سے 7 بجے تک دفاتر سے چھٹی کے وقت بھی ٹریفک کا دباؤ ہوتا ہے، شہریوں سے درخواست ہے کہ رش آورز میں غیر ضروری سفر سے اجتناب کریں۔
