پنجاب اسمبلی سے منتخب ہونے والے 7 آزاد امیدوار مسلم لیگ ن کا حصہ بن چکے ہیں۔
یاد رہے کہ الیکشن کمیشن آف پاکستان ( ای سی پی ) کی جانب سے عام انتخابات 2024 کے بعد پنجاب اسمبلی کی نشستوں کے نتائج جاری کر دیئے گئے ہیں۔
پنجاب اسمبلی کے حلقہ پی پی 48 سے منتخب ہونے والے آزاد امیدوار خرم ورک نے مسلم لیگ ن جوائن کرلی۔
الیکشن کمیشن کی جانب سے جاری کردہ نتائج کے مطابق پی پی 48 پسرور سے آزاد امیدوار خرم ورک نے کامیابی حاصل کی۔
فارم 47 کے مطابق آزاد امیدوار خرم خان ورک 47340 ووٹ لے کر کامیاب ہوئے جبکہ ان کے مخالف ن لیگی امیدوار لیاقت علی نے 41657 ووٹ حاصل کئے۔
گزشتہ شب مسلم لیگ ن کے ایکس اکاؤنٹ سے خرم ورک کا ایک ویڈیو بیان شیئر کیا گیا جس میں انہوں نے ن لیگ کا حصہ بننے کا اعلان کیا۔
