بحیرہ احمر میں امریکی ہیلی کاپٹر نے یمن کے حوثی گروپ کی کشتوں پر فائرنگ کردی، واقعے میں 10 جنگجو جاں بحق ہوگئے۔
رپورٹ کے مطابق بحیرہ احمر میں یمن کے حوثی گروپ کی کشتیوں نے ڈنمارک کی کمپنی کے جہاز پر حملہ کیا تھا۔
امریکی سینٹ کوم (سینٹرل کمانڈ) کے مطابق جہاز کی مدد کیلئے آنے والے امریکی ہیلی کاپٹر پر بھی حوثیوں نے فائرنگ کی، امریکی ہیلی کاپٹر کی جوابی فائرنگ سے حوثیوں کی 3 کشتیاں ڈوب گئیں۔
امریکی سینٹ کوم کا کہنا ہے کہ فائرنگ سے حوثی کشتیوں پر موجود عملہ ہلاک ہوگیا، فائرنگ کے بعد حوثیوں کی چوتھی کشتی علاقے سے نکل گئی۔
امریکی سینٹ کوم نے کہا کہ بحیرہ احمر میں 19 نومبر سے اب تک حوثیوں کا جہازوں پر یہ 23واں حملہ ہے۔
خبر ایجنسی کے مطابق ڈنمارک کی کمپنی کا جہاز سنگاپور سے مصر کی بندرگاہ جا رہا تھا۔
ادھر یمنی حکام کا کہنا ہے کہ امریکا نے بحیرہ احمر میں حوثی گروپ کی کشتیوں پر حملہ کیا ہے۔
یمنی حکام کے مطابق امریکی حملے سے 10 حوثی جنگجو جاں بحق اور 2 زخمی ہوگئے۔
