سرگودھا کے علاقے قصبہ للیانی میں بیٹے نے ماں کو مبینہ طور پر قتل کردیا۔ پولیس نے مقدمہ درج کرکے تفتیش شروع کردی۔
مقتولہ کے شوہر خضر حیات نے پولیس کو دیے گئے بیان میں بتایا کہ بیٹے نے اپنی ماں کو گلے میں پھندا ڈال کر قتل کیا۔
خضر حیات نے مزید کہا کہ میری بیوی بیٹے سے ناراض ہو کر گھر سے نکلی تھی، بیٹا احسان اپنی ماں کو منانے کے لیے ہی اُس کے پیچھے گیا تھا۔
انہوں نے یہ بھی کہا کہ بیٹے نے ہی اپنی ماں کو لوہے کی تار سے گلے میں پھندا ڈال کر قتل کیا۔
