اسلام آباد: ہری پور میں قومی اسمبلی کی ایک نشست اور صوبائی اسمبلی کی تین نشستوں کے لیے کل 77 امیدوار میدان میں آگئے۔
قومی اسمبلی کی نشست این اے 18 کے لیے 17، پی کے 46 کے لیے 19، پی کے 47 کے لیے 15 جبکہ پی کے 48 کے لیے 26 امیدواروں نے کاغذات نامزدگی حاصل کرلیے۔
ہری پور سے قومی اسمبلی کی نشست حلقہ این اے 18 کے لیے (ن) کے امیدوار بابر نواز خان اور پی ٹی آئی کے جنرل سیکریٹری عمر ایوب خان مدمقابل ہوں گے۔
صوبائی اسمبلی کے حلقے 46 کے لیے سابق صوبائی وزیر قاضی اسد، پی ٹی آئی کے وزیر اکبر ایوب اور قومی وطن پارٹی کی فائزہ رشید کے درمیان سخت مقابلہ ہوگا۔
حلقہ پی کے 47 سے پی ٹی آئی کے سابق صوبائی وزیر ارشد ایوب اور مسلم لیگ ن کے راجہ فیصل زمان مدمقابل ہوں گے۔ پی کے 48 میں مسلم لیگ ن کے حامد شاہ گوہر نواز خان اور پی ٹی آئی کے فیصل زمان کے درمیان سخت مقابلہ ہوگا۔
