واشنگٹن: امریکی فوج نے الاسکا اور کینٹکی میں ہیلی کاپٹر کے حادثوں میں گزشتہ ماہ 12 فوجیوں کی ہلاکت کے بعد ہوا بازی کے یونٹوں کو تربیت کے لیے گراؤنڈ کر دیا ہے۔
امریکی ذرائع ابلاغ کے مطابق فوج کے ایک ترجمان لیفٹیننٹ کرنل ٹیرنس کیلی نے کہا کہ فضائی کارروائیوں کی معطلی فوری طور پر نافذ العمل ہوگی، یونٹس کو تربیت مکمل کرنے تک گراؤنڈ کر دیا گیا تھا۔
انہوں نے مزید کہا کہ آرمی نیشنل گارڈ اور ریزرو یونٹس کو ٹریننگ مکمل کرنے کے لیے 31 مئی تک کا وقت ہوگا۔ امریکی آرمی نے ایک بیان میں کہا کہ اہم مشنوں میں حصہ لینے والے پلائٹس کے سوا تمام پلائٹس مطلوبہ تربیت مکمل کریں۔
خیال رہے کہ گزشتہ ہفتے امریکا کی ریاست الاسکا میں دو HA 64 اپاچی ہیلی کاپٹرز میں تصادم کے نتیجے میں 3 امریکی فوجی ہلاک اور 4 زخمی ہوگئے تھے جبکہ اسی عرصے میں ایک اور ہیلی کاپٹر حادثے میں 9 ہلکاروں کی ہلاکتیں ہوئی تھیں۔
