آئی ایم ایف کی رپورٹ میں پیٹرولیم لیوی کی وصولیوں کے تخمینہ جات سامنے آگئے۔رواں مالی سال پیٹرولیم لیوی کی وصولی کا تخمینہ 1468 ارب روپے ہے جب کہ 4 سال بعد پاکستانیوں سے پیٹرولیم لیوی کی مد میں سالانہ وصولیاں بڑھ کر2212 ارب روپے تک پہنچنے کا تخمینہ لگایا گیا ہے۔
شہری پہلے ہی پیٹرولیم لیوی کے بھاری بوجھ کی زد میں ہیں اوراس بوجھ کو ہرگزرتے سال کے ساتھ بڑھانے کا منصوبہ بنایا گیا ہے۔آئی ایم ایف کی رپورٹ میں درج تفصیلات کے مطابق رواں مالی سال پیٹرولیم لیوی وصولی کا تخمینہ ایک ہزار 468 ارب روپے ہے جس میں سے ساڑھے 5 ماہ میں حکو مت 650 ارب رو پے سے زائد وصول کرچکی ہے۔
آئندہ مالی سال پیٹرولیم لیوی کی وصولی کیلیے 1638ارب روپے اورمالی سال 2028ـ27ء میں پیٹرولیم لیوی کی وصولی کا تخمینہ1787ارب روپے لگایا گیا ہے جب کہ مالی سال 2029ـ28 ء میں پیٹرولیم لیوی کی وصولی کا 1989ارب روپے ہے۔ مالی سال 2030ـ29 ء میں پیٹرولیم لیوی کی وصولی کا تخمینہ2212 ارب روپے لگایا گیا ہے۔
