اسلام آباد: وزیر دفاع خواجہ آصف نے انکشاف کیا ہے کہ جنرل باجوہ نے ایکسٹینشن کے لئے دھمکیاں دیں میں ٹیک اوورکرلوں گا۔
ٍٍ وزیردفاع خواجہ آصف نے نجی ٹی وی کو انٹرویو میں کہا کہ فیض حمید جنرل باجوہ کے بغیر کچھ نہیں کرسکتے تھے۔انہوں نے انکشاف کیا کہ 2022 میں فوج کے نئے سربراہ کی تعیناتی کے عمل کے دوران جنرل باجوہ نے آٹھ ، نو دن مزاحمت کی ، دھمکیاں دیں کہ میں ٹیک اوور کرلوں گا، مجھے ایکسٹینشن دے دیں۔
وفاقی وزیر نے بتایا کہ جنرل قمر جاوید باجوہ کبھی لالچ اور کبھی دھمکی دیتے رہے، آپ تصورنہیں کرسکتے، آٹھ نو دن ہم ان کے پاس جاتے رہے۔
ان کا مزید کہنا تھا کہ ماضی میں فوج نے کسی سویلین حکومت کی اتھارٹی کو اس طرح چیلنج نہیں کیا، جنرل کیانی، پرویزمشرف اور راحیل شریف کے تقرر میں سول اتھارٹی کو مانا گیا۔
وزیر دفاع نے مزید کہا کہ باجوہ نے پہلے کوشش کی فیض حمید ہی فوج کے سربراہ بن جائیں۔
