پاکستان میں پہلی بار مقامی خاتون کے عطیہ کردہعطیہ کردہ قرنیہ کی کامیاب پیوند کاری

اسلا، آباد ؛ پاکستان میں پہلی بار مقامی خاتون کے عطیہ کردہ قرنیہ کی کامیاب پیوند کاری کا عمل مکمل ہوا ہے، جس سے دو بہادر فوجیوں کی بصارت بحال ہو گئی۔
پاک فوج کے ماہر سرجنز نے آرمڈ فورسز انسٹی ٹیوٹ آف اوفتھامولوجی میں اس اہم کامیابی کو حاصل کیا، جس میں فوجی آپریشن کے دوران بینائی سے محروم ہونے والے دو سپاہیوں کی آنکھوں میں قرنیہ کی پیوند کاری کی گئی۔ یہ تاریخ ساز واقعہ میجر جنرل (ر) سید ظفر مہدی عسکری کی مرحوم اہلیہ کی وصیت پر عمل میں آیا، جنہوں نے اپنے قارنیے کو پیوند کاری کے لیے عطیہ کرنے کا فیصلہ کیا تھا۔
مرحومہ کی بیٹی، زہرا مہدی، نے اس عمل کو صدقہ جاریہ قرار دیتے ہوئے فخر کا اظہار کیا اور کہا کہ سب سے بڑا اعزاز یہ ہے کہ والدہ کی آنکھیں دو بہادر فوجیوں کو عطیہ کی گئیں، اور ان کے عطیے سے سپاہیوں کی زندگی میں روشنی لوٹ آئی۔ دونوں سپاہی، 30 سالہ علی اللہ اور 26 سالہ فلک شیر، دہشت گردوں کے خلاف فوجی آپریشن کے دوران اپنی بصارت سے محروم ہو گئے تھے۔ اے ایف آئی او کے ماہر سرجنز نے جدید ترین تکنیک کا استعمال کرتے ہوئے ان کی آنکھوں میں قارنیہ کی کامیاب پیوند کاری کی، جس سے دونوں سپاہیوں کی زندگیوں میں نئی روشنی آ گئی۔