اسلام آباد:پی ٹی آئی رہنما اسد قیصر نے پارٹی میں بیان بازی کو افسوسناک قراردے دیا۔
اسد قیصر نے نجی ٹی وی سے خصوصی گفتگو میں کہاعمران خان کی بہنوں کے کوئی سیاسی عزائم نہیں،بانی کی بہنیں اپنے بھائی کی رہائی کیلئے جدوجہد کررہی ہیں،ان سے متعلق گفتگو میں سب کو احتیاط برتنی چاہیے،اس وقت برداشت اور اتحاد کی ضرورت ہے۔
انہوںنے کہاکہ بلوچستان اورخیبر پختونخوا سمیت ملک میں بے یقینی کی صورتحال ہے،پی ٹی آئی قومی ایجنڈے پرحکومت سے مذاکرات کو تیار ہے،چاہتے ہیں وسیع تر قومی ایجنڈے پر حکومت کے ساتھ بات ہو،انہوں نے کہا کہ میرے اور شہرام کے بھائیوں کو کے پی میں دوبارہ وزارتیں آفر کی گئیں،ہم نے وزارتیں لینے سے معذرت کرلی۔
