اسلام آباد:ایم کیو ایم کے تحفظات پر وفاقی حکومت نے کراچی ترقیاتی پیکیج پر جلد عملدرآمد کا فیصلہ کرلیا۔
اسلام آباد میں وفاقی وزیر تعلیم اور ایم کیو ایم چیئرمین خالد مقبول صدیقی کی سربراہی میں وفد نے احسن اقبال سے ملاقات کی جس وفاقی حکومت نے کراچی ترقیاتی پیکیج پر عملدرآمد کرنے کا فیصلہ کرتے ہوئے ایم کیو ایم کو جلد کام شروع کروانے کی یقین دہانی کروادی ۔
نجی ٹی وی کو ایم کیو ایم کے ذرائع سے ملنے والی اطلاع کے مطابق متحدہ قومی موومنٹ کے اعلیٰ سطح کے وفد نے وفاقی وزیر برائے منصوبہ بندی احسن اقبال سے ملاقات کی اور کراچی میں ترقیاتی کام میں تاخیر پر اپنے تحفظات سے آگاہ کیا۔
وفد کی سربراہی خالد مقبول صدیقی نے کی جبکہ رکن قومی اسمبلی امین الحق اور جاوید حنیف بھی ملاقات میں شامل تھے۔احسن اقبال نے ایم کیو ایم کے تحفظات کو جائز قرار دیتے ہوئے پی آئی ڈی سی ایل کے تحت کراچی ڈویلپمنٹ پیکیج پر جلد از جلد کام شروع کروانے کی یقین دہانی کروائی۔
ذرائع کے مطابق ایم کیوایم پاکستان کا وفد وزیراعظم شہباز شریف سے وطن واپسی پر ملاقات کرتے گا اور حکومتی اتحاد کے حوالے سے اپنے تحفظات سے بھی آگاہ کرے گا۔
