اسلام آباد:پی ٹی آئی رہنما اسد قیصر نے کہا ہے کہ عمران خان سمجھوتا کر کے آج بھی رہا ہوسکتے ہیں،بہت آفرز ہیں لیکن عمران خان اصول پر ڈٹے ہوئے ہیں۔
اسلام آباد میںمحمود خان اچکزئی ،مصطفی نوازکھوکھر کے ہمراہ پریس کانفرنس کرتے ہوئے پریس کانفرنس کے دوران انہوں نے کہا کہ 27 ستمبر کو پشاور میں تاریخی جلسہ ہوگا، پوری پاکستانی قوم کو جلسے میں شرکت کی دعوت دیتا ہوں۔ان کا کہنا تھا کہ ملک ہائبرڈ نظام کے تحت نہیں چل سکتا، تمام ادارے اپنی آئینی اور قانونی حدود میں رہ کر کام کریں۔
اس موقع پر سربراہ پشتونخواملی عوامی پارٹی محمود خان اچکزئی نے کہا ہے کہ ملک میں آئین کواصل شکل میں بحال کیا جائے۔ ملک میں میرٹ نام کی کوئی چیز نہیں ہے۔
اْنہوں نے کہا کہ جو آدمی ضمیربیچتا ہے اِسے وفادار سمجھا جاتا ہے، شہباز اینڈ کمپنی نے جمہوریت کی تمام جدوجہد پرپانی پھیردیا، بینظیر شہید کی پارٹی بھی اس گناہ میں شریک ہے، نوازشریف کا بیانیہ ووٹ کوعزت دوکا بیانیہ کدھرگیا، شہبازشریف سن لو،عوام کی طاقت سے آپ کی حکومت کوفارغ کریں گے،گلگت سے لیکرسندھ کے شہروں تک عوامی کرفیولگائیں گے۔
محمود اچکزئی نے کہا کہ سوفٹ جمہوری انقلاب کیلیے کمربستہ ہوجائیں،جمہوریت،آئین پریقین رکھنے والے وکلاء ہمارا ساتھ دیں،آئین وقانون کی بالادستی سے ہی ملک صحیح سمت چلے گا۔
