54سال بعدیوٹیلیٹی سٹورز باضابطہ طور پر بند کردیے گئے۔ وزیر پارلیمانی امور طارق فضل چودھری نے اسلام آباد میں پریس کانفرنس کی، پریس کانفرنس میں یوٹیلیٹی کارپوریشن کے عہدیداران بھی شریک ہوئے۔انہوں نے گفتگو کرتے ہوئے کہا کہ یوٹیلیٹی کارپویشن کا ملکی معیشت میں اہم کردار رہا، یوٹیلیٹی اسٹورز پاکستان میں 1971ء میں قائم کیے گئے تھے، یوٹیلیٹی کارپویشن کا خسارہ کم کرنے کی بھر پور کوشش کی گئی۔
ان کا کہنا تھا کہ یوٹیلیٹی ا سٹورز سے ہر ماہ 60کروڑ روپے کا نقصان ہورہا ہے، تمام تر کوششوں کے باوجود خسارہ کم نہ ہونے کی صورت میں یوٹیلیٹی اسٹورز کارپویشن کو بند کیا گیا، وزیر اعظم کی ہدایت کے مطابق 31اگست کو یوٹیلیٹی اسٹورز بند کیے جارہے ہیں۔
طارق فضل چودھری نے کہا کہ یوٹیلیٹی اسٹورزکے ملازمین کی تعداد 11ہزار614ہے، یوٹیلیٹی اسٹورز کے ملازمین کے لئے متفقہ پیکیج تیارکیا گیا ہے، یوٹیلیٹی اسٹورزملازمین کو مجموعی طور پر 28ارب روپے کا پیکیج دیا جارہا ہے۔ملک بھرمیں یوٹیلیٹی اسٹورزکے اثاثوں کو نیلام کیاجائے گا،یوٹیلیٹی اسٹورزکے ملازمین کے حقوق کا تحفظ یقینی بنایاگیاہے، یوٹیلیٹی اسٹورز کے کنٹریکٹ ملازمین کو بھی پیکیج دیا جارہا ہے۔
