کئی شہروں میں چینی 195 روپے فی کلو تک پہنچ گئی

اسلام آباد : ادارہ شماریات کے مطابق ملک کے مختلف شہروں میں چینی کے سرکاری نرخ 175 روپے فی کلو کے باوجود خلاف ورزیاں جاری ہیں اور کئی شہروں میں چینی 190 سے 195 روپے فی کلو تک فروخت ہو رہی ہے۔
اعداد و شمار کے مطابق کراچی میں چینی کی فی کلو قیمت 195 روپے ریکارڈ کی گئی جبکہ اسلام آباد، راولپنڈی، بہاولپور، پشاور اور خضدار میں چینی 190 روپے فی کلو میں فروخت ہو رہی ہے۔
گجرانوالہ، سیالکوٹ، بنوں، حیدرآباد اور لاڑکانہ میں چینی کی قیمت 185 روپے فی کلو جبکہ کوئٹہ میں 186 اور ملتان میں 180 روپے فی کلو ریکارڈ کی گئی۔