ایپل ڈیوائسز میں تخلیقی تبدیلیاں کرنے والے مشہور سوئس روبوٹکس انجینئر کین پِلونیل نے پرانے آئی فونز کے لیے ایک انقلابی ایسیسری متعارف کرائی ہے، جو بغیر کسی اندرونی تبدیلی کے لائٹننگ بیسڈ ڈیوائسز میں یو ایس بی-سی پورٹ کا اضافہ ممکن بناتی ہے۔
یہ نئی پروڈکٹ، جسے ’Obsolete‘ (اوبسولیس) کے نام سے فروخت کیا جا رہا ہے، ایک دو حصوں پر مشتمل کیس ہے جو کسٹم سرکٹ بورڈ اور یو ایس بی-سی کنیکٹر پر مشتمل ہے۔ یہ کیس نہ صرف پرانے آئی فونز میں یو ایس بی-سی چارجنگ کی سہولت فراہم کرتا ہے بلکہ ڈیٹا ٹرانسفر اور ایپل کار پلے کے ساتھ بھی مکمل مطابقت رکھتا ہے۔
کین پِلونیل کے مطابق یہ پروڈکٹ 9 والٹ فاسٹ چارجنگ کو بھی سپورٹ کرتی ہے، اور اسے اس سے قبل ان کی ایئر پوڈز کے لیے بنائی گئی یو ایس بی-سی کیس ٹیکنالوجی کو بنیاد بنا کر تیار کیا گیا ہے۔
یہ ایسیسری اُن صارفین کے لیے ایک بہترین حل ثابت ہو سکتی ہے جو بغیر مہنگے اپ گریڈ کے، جدید چارجنگ اور کنیکٹیویٹی سہولیات سے فائدہ اٹھانا چاہتے ہیں۔
