اسلام آباد:نادرا کاکہنا ہے کہ ایسے افراد جن کے شناختی کارڈ کی معیاد 2017ء تک ختم ہوچکی ہے ان کی موبائل سم 30 جون کو بند کردی جائے گی۔میڈیارپورٹ کے مطاقب سوشل میڈیا پلیٹ فارم پر نادرا نے بتایا ہے کہ قریبی نادرا سینٹر تشریف لاکر یا پاک آئی ڈی موبائل ایپ کے ذریعے شناختی کارڈ کی فوری تجدید کروائیں۔
اگر آپ کے شناختی کارڈ کی میعاد 2018 ء میں ختم ہوئی ہے تو اس کی بھی فوری تجدید کروائیں۔نادرا کے مطابق شناختی کارڈ کی میعاد 2018 ء میں ختم ہونے والے افراد کی موبائل سم 31 جولائی کو بند کردی جائے گی۔
چند روز قبل نادرا نے شہریوں کے آگاہی کے لیے پوسٹ شیئر کی تھی جس میں کہا گیا تھا کہ انٹرنیٹ اور سوشل میڈیا پر نادرا سے ملتے جلتے ناموں سے بنائے گئے جعلی پیجز، ویب سائٹس اور جعلی ایڈریسز سے ای میل اور میسجز بھیجنے والے جعلساز عناصر کی سرگرمیاں نادرا آرڈیننس سیکشن 28 اور 29 کے تحت جرم کے زمرے میں آتی ہیں جس پر 14 سال تک قید بامشقت اور دس لاکھ روپے تک جرمانہ یا دونوں سزائیں ہو سکتی ہیں۔
نادرا، قانون نافذ کرنے والے اداروں کے ساتھ مل کر ان عناصر کے خلاف سخت ترین کارروائی کر رہا ہے شہریوں سے التماس ہے کہ ان جعلساز عناصر کی اطلاع نادرا ہیلپ لائن پر دیں۔
