اسلام آباد:امریکی ارکان کانگریس کا تین رکنی وفد اسلام آباد پہنچ گیا۔سفارتی ذرائع کے مطابق امریکی کانگریس کے وفد میں جیک برگمین اور ٹام سوازی بھی شامل ہیں اور یہ وفد 15 اپریل تک پاکستان کا دورہ کرے گا۔
سفارتی ذرائع کا کہنا ہے کہ امریکی ارکان کانگریس کا وفد وزیراعظم اور وزیر خارجہ سے ملاقات کرے گا، اس کے علاوہ وفد اعلیٰ عسکری قیادت سے بھی ملے گا۔سفارتی ذرائع نے بتایاکہ امریکی وفد معیشت، تجارت، دفاعی اور عسکری تعلقات، تعلیم کے امور پر بات چیت کرے گا۔
ذرائع کے مطابق امریکی کانگریس وفد کی مختلف سیاسی جماعتوں کی قیادت سے بھی ملاقات کا امکان ہے، امریکی وفد آزاد کشمیر اور ایل او سی کا بھی دورہ کرے گا۔ذرائع کا کہنا ہے کہ امریکی ارکان کانگریس وفد کے دورے کا مقصد پاک امریکا دوطرفہ تعلقات کو فروغ دینا ہے۔
ذرائع نے بتایاکہ اسپیکر قومی اسمبلی ایاز صادق آج امریکی ارکان کانگریس کے اعزاز میں عشائیہ دیں گے۔دریں اثناء امریکی کانگریس وفد سے سیکریٹری خارجہ آمنہ بلوچ نیے ملاقات کیاس موقع پر پاک امریکا تعلقات کو وسعت دینے پر تبادلہ خیال کیا گیا۔
ترجمان دفتر خارجہ کی جانب سے جاری اعلامیہ کے مطابق وفد میں رکن کانگریس جیک برگمین،ٹام سوزی اور جوناتھن جیکسن بھی شامل تھے۔اس موقع پر فریقین نے باہمی دلچسپی کے شعبوں میں دوطرفہ تعلقات کو مزید مستحکم اور متنوع بنانے کے عزم کا اظہار کیا۔
علاوہ ازیں امریکی کانگریس ارکان نے پاکستانی سیاسی رہنماؤں سے ملاقات امریکی سفیر کی رہائش گاہ پراستقبالیہ میں ہوئی ہے۔زرائع کے مطابق فواد چودھری اور فیصل چودھری بھی ملاقات میں شریک تھے، پی ٹی آئی رہنما عاطف خان، ڈاکٹر امجد خان اور پی پی پی کی رہنما سحر کامران نے بھی امریکی کانگریس کے رہنماؤں سے ملاقات کی ۔
ملاقات میں پاکستان اور امریکا کے درمیان تعلقات پر تبادلہ خیال کیا گیا۔پاکستان نژاد امریکی بزنس مین بھی ملاقات میں شامل رہے، پاکستان کے دورے پر آئے ہوئے امریکی کانگریس کے ارکان نے کہا کہ پاک امریکی تعلقات کے فروغ میں بھرپور کردار ادا کرینگے۔
