لاہور:پاکستان مسلم لیگ (ق)کے انٹرا پارٹی انتخابات کل ( ہفتہ) کے روز ہوں گے۔
انٹرا پارٹی انتخابات میں چودھری شجاعت حسین پارٹی کے مرکزی صدر کے امیدوار ہوں گے، چودھری سالک حسین سینئر نائب صدر ،طارق حسن مرکزی جنرل سیکرٹری کے امیدوار ہیں ۔ طارق بشیر چیمہ نے بطور پارٹی جنرل سیکرٹری کام کرنے سے معذرت کر لی ہے جس کے بعد طارق حسن اس عہدے کے لیے سامنے آئے ہیں۔
ڈاکٹرمحمد امجد پنجاب کے چیف آرگنائزر کے عہدے کے امیدوار ہوں گے۔ انٹرا پارٹی انتخابات میں پنجاب کے جنرل سیکرٹری کے امیدوار چودھری شافع حسین جبکہ (ق)لیگ لاہور کے صدر کے لیے میاں وحید، سینئر نائب صدر کے لیے چودھری عرفان اور جنرل سیکرٹری کے لیے ندیم پہلوان امیدوار ہوں گے۔
