کراچی :سربراہ کنٹونمنٹ بورڈ کورنگی کریک نے کہا ہے کہ کورنگی کریک میں چند روز قبل اچانک بھڑکنے والی آگ اب بھی شدت کے ساتھ جاری ہے۔
سربراہ کنٹونمنٹ بورڈ کورنگی کریک فیصل وٹو کے مطابق آگ کے پھیلاؤ کو روکا جا چکا ہے۔ آگ کے اطراف 500میٹر کے علاقے کو کورڈن آف کردیا گیا ہے۔ تمام 6کنٹونمنٹ بورڈز کے فائر ٹینڈرز موقع پر موجود ہیں۔
شہری غیرضروری طور پر آگ لگنے والی جگہ کے قریب نہ جائیں۔ کورنگی میں لگنے والی آگ کا پاکستان اٹامک انرجی کمیشن نے سروے مکمل کرلیا ہے۔ اٹامک انرجی کمیشن کی سروے رپورٹ کے بعد مزید معلوم ہو سکے گا۔
پاکستان پیٹرولیم لمیٹڈ اور آئل کمپنی کے حکام بھی سرو ے کررہے ہیں۔ کورنگی کنٹونمنٹ بورڈ نیمزید منرل ٹیسٹ کے لیے اداروں سے رابطہ کرلیا ہے۔ منرل ٹیسٹ کی ٹیمیں آگ کے مقام کا سروے کریں گی۔
انہوں نے کہا کہ منرل ٹیسٹ ٹیموں کی جانب سے ایئر کوالٹی کو چیک کیاجائیگا۔ ایئر کوالٹی ٹیسٹ کے بعد معلوم ہوگا یہاں میھتین گیس کتنی پائی جاتی ہے۔ وزارت پاکستان پیٹرولیم نے زیر زمین میتھین گیس کی جانچ کے لیے کمیٹی تشکیل دے دی ہے۔
