اسلام آباد:ملک میں ہفتہ وار مہنگائی کی شرح میں 0.20فیصد اضافہ ریکارڈ کیا گیا ہے۔ادارہ شماریات کی رپورٹ کے مطابق حالیہ ہفتے کے دوران 15اشیا مہنگی، 10سستی جبکہ 26اشیا کی قیمتوں میں استحکام رہا۔
ایک ہفتے کے دوران مرغی کی قیمت میں 85روپے 81پیسے فی کلو، آلو کی قیمت میں 2روپے فی کلو، پیاز کی قیمت میں 3روپے 18پیسے کا اضافہ ہوا۔ گڑ کی قیمت 2روپے فی کلو، سرسوں کا تیل 3روپے 39پیسے، بیف 5روپے 56پیسے اور مٹن 2روپے 33پیسے مہنگا ہوا۔
چینی،ٹماٹر،سگریٹ، لکڑی اور کپڑا بھی مہنگا ہو گیا۔ادارہ شماریات کے مطابق ایک ہفتے کے دوران لہسن کی قیمت 35روپے 99پیسے، کیلا 11روپے اور انڈے 12روپے 68پیسے سستے ہوئے۔
