اسلام آباد:ایف بی آر نے چینی کی مانیٹرنگ شروع کردی اور شوگر ملز میں مانیٹرنگ نظام قائم کردیا گیا ہے۔اسلام آباد میں پریس کانفرنس کرتے ہوئے وفاقی وزیر خزانہ محمد اورنگزیب نے کہا کہ مانیٹرنگ نظام کے تحت 6 شوگر ملز کو سیل کیا گیا۔
، پہلی بار چینی افغانستان اسمگل نہیں ہوئی بلکہ ایکسپورٹ ہوئی،چینی کے ذخائر ملکی ضروریات کے مطابق ہیں۔مانیٹرنگ سسٹم آنے کے بعد شوگر ملوں کو جرمانے ہوئے،اس سال 24 بلین سیلز ٹیکس شوگر ملوں سے اکٹھا ہوا ہے۔
انہوں نے کہا کہ اب تک 6 شوگر ملز سیل اور ساڑھے 12 کروڑ روپے کے جرمانے کیے گئے، چینی کی اس سال 5.7 ملین ٹن پیداوار ہے۔محمد اورنگزیب نے کہا کہ فروری میں 3 ارب 10کروڑ ڈالرز کی ترسیلات زر پاکستانیوں نے بھجوائیں، پچھلے سال اسٹاک مارکیٹ میں 7 آئی پی اوز ہوئے ہیں۔
انہوں نے کہا کہ اسٹاک ایکسچینج کا اتار چڑھاؤ اپنی جگہ لیکن کچھ چیزیں اسٹرکچرل ہوتی ہیں، 2025ء میں مزید بہتری آئے گی، پائیدار ترقی کے اہداف کے حصول کے لیے پرعزم ہیں، تجارتی خسارے میں نمایاں کمی آئی ہے۔
