مسلم مخالف وزیر اعلیٰ کی تقرری سے بھارتی مسلمانوں میں تشویش کی لہر

نئی دہلی:مودی حکومت کا مسلم مخالف ایجنڈا، دہلی میں مسلمانوں کا نیا امتحان شروع ہوگیا۔
ریکھا گپتا کی بطور وزیر اعلیٰ دہلی تقرری بھی بی جے پی کی اسلاموفوبک سیاست کا ہی تسلسل ہے، سوشل میڈیا پر ریکھا گپتا کے پرانے بیانات اور ٹویٹس منظر عام پر آنے لگے ۔
ان بیانات میں واضح ہوا کہ ریکھا گپتا مسلمانوں کے خلاف نفرت انگیز بیانیے کو فروغ دیتی آئی ہیں ، یہ پہلا موقع نہیں جب بی جے پی کے کسی رہنما نے مسلمانوں کو نشانہ بنایا ہو، بلکہ مودی سرکار کے تحت اسلاموفوبک پالیسیوں کا تسلسل جاری ہے۔
اپوزیشن جماعتوں اور انسانی حقوق کی تنظیموں کا ریکھا گپتا کے بیانات کی شدید مذمت کرتے ہوئے کہنا تھا کہ بی جے پی کے رہنما مسلمانوں کے خلاف اشتعال انگیزی کو اپنی سیاست کا حصہ بنا چکے ہیں۔
اس سے قبل ایمنسٹی انٹرنیشنل انڈیا نے ریکھا گپتا سے مطالبہ کیا کہ وہ مسلمانوں کے خلاف اپنے نفرت انگیز بیانات واپس لیں اور اقلیتوں کے حقوق کو یقینی بنائیں۔